Одбележувајќи го 100-тиот ден од почетокот на емитувањето на говорот на Путин, Навални објави дека му било кажано дека ќе мора да го слуша говорот во текот на цела 2023 година
Затворениот критичар на Путин, Алексеј Навални се жали дека бил принуден да го слуша истиот говор од рускиот претседател повеќе од 100 дена по ред. Станува збор за говорот на Путин од февруари оваа година, кој трае еден час и 46 минути, а се емитува секој ден пред ќелијата на Навални, пишува Скај њуз.
На рускиот опозициски лидер (47) затворските службеници му кажале дека говорот се пуштал на дневна основа бидејќи содржел „инструкции за воспитно-образовната работа“.
Одбележувајќи го 100-тиот ден од почетокот на емитувањето на говорот на Путин, Навални објави дека му било кажано дека ќе мора да го слуша говорот во текот на цела 2023 година.
„Кога Путин ќе го одржи своето следно годишно обраќање, тој ќе почнат да ни го пуштаат“,
рекол Навални.
1/5 Today is an anniversary for me. For exactly 100 days in a row now, I’ve been listening to the same Putin’s speech from 21.02.2023 every evening (https://t.co/voBiG2nx5K).
— Alexey Navalny (@navalny) July 10, 2023
Во овогодинешното обраќање пред Федералното собрание во Москва, Путин рече дека „специјалната воена операција“, како што Русија ја нарекува војната во Украина, била спроведена со цел „да се елиминира заканата од неонацистичкиот режим“.
Во таа прилика Путин нагласи дека Русија направила „се што можела“ за да ги реши разликите „по мирен пат“ и го обвини Западот дека ја подготвува Украина за „голема војна“ со снабдување со оружје.
Навални моментално отслужува вкупно 11 и пол години затвор, но се соочува и со нови обвиненија за создавање екстремистичка организација. Доколку биде прогласен за виновен во новиот случај против него, може да биде осуден на затворска казна до 30 години.
Навални првпат беше уапсен во јануари 2021 година, откако се врати во Русија од Германија, каде што се опоравуваше од труење со нервен агенс. Му се слошило на лет за Москва, а подоцна било откриено дека бил отруен со Новичок за време на предизборно патување во Сибир.
Извор: 360stepeni.mk
