Осминафиналниот дуел од Светското клупско првенство меѓу европските гиганти Реал Мадрид и Јувентус, закажан за вечерва во Мајами (21:00 по средноевропско време), би можел да биде одложен или прекинат поради најавеното невреме.
🚨 LE MATCH ENTRE LE REAL MADRID ET LA JUVENTUS RISQUE D’ÊTRE PERTURBÉ ! ⛈️😕
Il devrait y avoir des orages ce mardi à Miami pendant le déroulement de ce huitième de finale de la CDM des Clubs !
Si cela arrive, la rencontre sera interrompue.
(@RMCsport) pic.twitter.com/84XD1HHB9v
— Instant Foot ⚽️ (@lnstantFoot) June 30, 2025
Според податоците од американската метеоролошка служба, се очекуваат силни врнежи и грмежи во периодот меѓу 14:00 и 15:00 часот по локално време, токму во реонот на Мајами каде што се игра натпреварот.
Ризикот од невреме се зголемува токму во моментот на почетокот на натпреварот, кој треба да се одигра на прочуениот „Хард Рок“ стадион.
Организаторите се подготвени да реагираат според строгите безбедносни протоколи, слични на оние во американските професионални лиги како МЛС и НФЛ. Протоколот предвидува прекин од минимум 30 минути штом се детектира удар на гром во радиус од околу 13 километри од стадионот. Секој нов гром го продолжува прекинот за нови 30 минути.
За потсетување, токму поради вакви временски услови неодамна беше прекинат натпреварот меѓу Челси и Бенфика на истото првенство, и тоа во траење од дури два часа.
Извор: kurir.mk
