Напаѓачот на новинарот на српската телевизијата Н1 доби 30 дена притвор

„Почна да ми се впушта во лице, да ми се заканува, ме фати и за десната рака. Заминуваше и се враќаше. Овие последни 24 часа беа многу стресни за нас новинарите на терен. Уморни сме. Бев малку ироничен и циничен кон него, но нема оправдување некој да се однесува вака“, рече новинарот

Напаѓачот на новинарот на српската телевизијата Н1 доби 30 дена притвор, пренесуваат српските медиуми.

Според судското известување, судијата на претходна постапка на Вишиот суд му одредил притвор до 30 дена на Г.М., обвинетиот за нападот на новинарот на Н1, Младен Саватовиќ.

„Притворот на обвинетиот Г.М. е утврден поради постоење посебни околности кои укажуваат дека во краток рок ќе го повтори кривичното дело“,

се објаснува во соопштението на Вишиот суд.

Г.М. е обвинет за кривично дело насилничко однесување на спортски настан или јавен собир.

Репортерот на српската телевизијата Н1 пред неколку дена беше нападнат додека известуваше за време на протестот на студентите и на опозицијата пред зградата на Владата во центарот на Белград.

Reporter N1 @_savatovic napadnut je večeras tokom izveštavanja sa protesta u centru Beograda. pic.twitter.com/uek1qXBIFD

— TV N1 Beograd (@n1srbija) December 25, 2023

Новинарот на Н1 раскажа што се случило за време на нападот од непознато лице. Од нападот на новинарот документиран е и видеоматеријал.

„Во моментот кога чекав да ме вклучат во живо, маж на околу 35-40 години ми пријде и почна да ми дофрла неразбирливи реченици“,

раскажува новинарот.

Како што рече Стевановиќ, додека известувал, човекот не се откажал од заканите.

„Почна да ми се впушта во лице, да ми се заканува, ме фати и за десната рака. Заминуваше и се враќаше. Овие последни 24 часа беа многу стресни за нас новинарите на терен. Уморни сме. Бев малку ироничен и циничен кон него, но нема оправдување некој да се однесува вака“,

вели новинарот.

На видеото може да се забележи и како случајни минувачи се обидуваат да го тргнат напаѓачот.

„И јас реагирав со емоции, но цело време мислев дека ќе се вразуми ако му се заканам со полицијата или ако „покажам заби“. Повикавме полиција, која дојде по 10-тина минути. Таму беше и член на обезбедувањето на Владата, кој рече дека не може да реагира. Полицијата ни рече дека ќе се обиде да го најде и да го гони врз основа на видеото“,

изјави Саватовиќ.

Според него, ваквите ситуации треба да се истуркаат до крај, зашто не треба никој да им пречи на новинарите да ја вршат професионално својата работа.