ЕРУСАЛИМ / АНКАРА (АА) – Еден Израелец загина, а пет други се повредени денес во наводен напад со нож во градот Хаифа во северниот дел на Израел, соопшти полицијата, јавува Анадолу.
Полицијата наведе дека нападот се случил на автобуска станица во градот, додавајќи дека напаѓачот бил застрелан од безбедносните сили.
Не се дадени никакви детали за идентитетот на извршителот на нападот.
Израелската национална амбулантна служба „Маген Давид Адом“ соопшти дека едно лице загинало, а пет лица се повредени, од кои едно е во критична состојба, а две лица се тешко повредени.
Извор: Anadolu Agency (AA)
