Најстудено утрово на Попова Шапка, најмногу снег во Маврово

Попова Шапка со -5 степени утрово беше најладното место во земјава. После него следуваа Маврово и Крушево со -4.

Најмногу дожд има наврнато во Крива Паланка, 12 литри на м2, додека Демир Капија е на второто место со 11 литри на м2.

Најмногу снег има во Маврово 54 сантиметри, а на Попова Шапка има 43 сантиметри. Во Тетово и во Крушево 15 сантиметри, додека во Гостивар 10.

Времето денеска претежно облачно и студено со повремени локални врнежи од дожд во делови од Повардарието и од снег во повеќе останати делови од земјата а особено на северозападот и на северот. Ќе дува умерен до засилен ветер од северен правец, наместа со брзина над 60 km/h.

Максималната температура ќе достигне од 1 до 6 степени.