АТИНА (АА) – Американскиот носач на авиони „Џералд Р. Форд“ е забележан во близина на грчкиот брег, известува Анадолу.
Носачот на авиони од новата генерација на американската морнарица мина близу пристаништето Пиреј, кое е 12 километри оддалечено од Атина, главниот град на Грција.
Американскиот носач на авиони „Џералд Р. Форд“ е најновиот и најмодерниот носач на авиони на морнарицата на САД. Овој носач на авиони од најновата генерација има погон на два нуклеарни реактора со четири оски.
Бродот е долг 332,84 метри, широк 40,84 метри, а ширината на палубата за авиони изнесува 78,03 метри.
Може да плови 20 години без дополнување на горивото, а неговата изградба чинеше 12,8 милијарди долари (околу 11,6 милијарди евра). Името го доби по 38. американски претседател Џералд Рудолф Форд, кој претседателската функција ја извршуваше од 1974 до 1977 година.
Извор: www.aa.com.tr
