Телевизијата Н1 јавува дека тој преговара со полицијата и не сака да се предаде, а неофицијално постојат и сомнежи дека има заложници
Најмалку осум лица се убиени во пукањето кое ноќеска започна во селото Дубона кај Младеновац. Меѓу жртвите има и деца.
Најмалку 13, пак, се ранети.
Осомничен за нападот е 21-годишниот Урош Б. Првично медиумите јавија дека почнала расправија во училиштен двор од каде момчето заминало и се вратило со автоматско оружје со кое почнало да пука. Медиумите веќе објавија и фотографија од осомничениот.
Од Дубона тој со возило „мерцедес“ избегал, но продолжил да пука.
Неофицијално, пукал на три локации, меѓу кои и во Мало Орашје, во близина на Смедерево.
Сите специјални единици на српското МВР се на терен, како и жандармеријата, а во акцијата се вклучени и хеликоптери и дронови.
Според медиумските извештаи, напаѓачот пука и кон полицијата, а во моментов се наоѓа во селото Шепшин кое е под опасада од полицијата.
Телевизијата Н1 јавува дека тој преговара со полицијата и не сака да се предаде, а неофицијално постојат и сомнежи дека има заложници.
ИЗВОР: 360stepeni.mk
