Најмалку десет лица загинаа денес кога, според нигериските власти, бомбаш самоубиец активирал експлозивна направа за време на молитва во џамија во градот Мајдугури, главниот град на државата Борно во Нигерија, изјавија безбедносни извори за Синхуа.
Спасувачките служби соопштија дека најмалку 22 повредени се во сериозна состојба и се лекуваат во Специјалната болница на државата Борно и Универзитетската болница во Мајдугури.
Експлозијата се случила во џамијата Ал-Алим на пазарот Гомбору за време на вечерната молитва, а очевидци изјавиле дека напаѓачот, за кој подоцна е потврдено дека е момче, влегол во џамијата преправен во верник, објавува порталот „Бизнис њуз Нигерија“.
Извор: tv21
