Најмалку 80 патници загинаа при потонувањето на брод во Демократска Република Конго

ТУНИС (АА) – Најмалку 80 од 271 патник загинаа вчера при потонување на брод во провинцијата Маи-Ндомбе во Демократска Република Конго, јавува Анадолу.

Претседателот Феликс Тшисекеди објави дека брод на реката Ква во Мај-Ндомбе удрил во брегот и потонал поради дефект на моторот.

Тој истакна дека бродот се движел од градот Мушие кон градот Лебида.

Локалните власти соопштија дека продолжува потрагата и спасувањето на 86 исчезнати лица, а досега се спасени околу стотина лица.

Властите наведоа дека ваквите поморски несреќи, кои се случуваат особено во периоди на обилни сезонски дождови, обично се предизвикани од „неодржување на бродовите и нивно преоптоварување“.

Бидејќи во оваа африканска земја нема доволно асфалтни патишта, за превоз главно се користат реките и езерата.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.