Најмалку 19.300 лица хоспитализирани по земјотресот во Турција

Најмалку 19.300 жртви од земјотресот се згрижени во болниците во Турција, соопшти денеска Министерството за здравство.

Меѓу нив има 3.636 лица кои се на одделенијата за интензивна нега, соопшти Министерството.

Најмалку 8.851 пациент морале да бидат оперирани, а дел од нив веќе се отпуштени, јавува агенцијата Анадолија.

Бројот на загинати во земјотресот со јачина од 7,8 степени според Рихтеровата скала што ги погоди Турција и Сирија пред една недела надмина 36.000, а десетици илјади луѓе се повредени, соопштија денеска властите.

Според Агенцијата за управување со катастрофи и вонредни состојби (АФАД), во Турција загинале најмалку 31.643 лица.