Најмалку 17 Палестинци се убиени во нападите на Израел врз Појасот Газа

ГАЗА (АА) – Седумнаесет Палестинци се убиени во нападите на израелската армија врз различни делови од Појасот Газа, известува Анадолу.

Според информациите добиени од локални извори, израелската армија бомбардирала семејна куќа во населбата Сабра во јужна Газа. Во нападот се убиени 10 Палестинци.

Екипите на цивилната заштита известија дека под урнатините на куќата има голем број луѓе.

Уште три лица се убиени во израелско бомбардирање на куќа во бегалскиот камп Шати, западно од градот Газа.

Четворица Палестинци се убиени во нападот на израелската армија врз градот Беит Лахија во северна Газа и врз населбата Шуџаија на исток.

Израелската артилерија интензивно гранатираше различни делови од Појасот Газа, особено источните делови на градот Газа и западниот дел на Рафа.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.