Ниту еден од патниците, чија националност не е објавена, не носел појас за спасување
Најмалку 17 лица се удавија во потонувањето на брод со мигранти во водите кај Пелопонез, во југозападна Грција, соопшти грчката крајбрежна стража. Досега се спасени речиси стотина луѓе кои беа префрлени во пристаништето Каламата, информира истиот извор.
Четири лица се пренесени со хеликоптер во болница во Каламата.
Несреќата се случила во меѓународни води, на 47 наутички милји од Пилос во Јонското Море. Ниту еден од патниците, чија националност не е објавена, не носел појас за спасување.
„Бродот вчера попладне прв го забележал авион на Фронтекс, но мигрантите одбиле помош“,
соопштија грчките пристанишни власти.
Во спасувачката операција учествуваа пристанишната полиција, фрегата на грчката морнарица, авион и хеликоптер, како и шест бродови кои пловеле во областа. Според првите информации од грчките власти, бродот патувал од Либија кон Италија.
Во средата била укажана помош и на едрилица со 80 мигранти во водите кај Крит. Едрилицата била одвлечена до пристаништето Калои Лименес на југот на островот.
Фото: Илустрација, EPA/STRINGER EPA/STRINGER
Извор: 360stepeni.mk
