Најмалку 16 Палестинци се убиени во израелските воздушни напади низ Газа

March 24, 2025
1 min read

АНКАРА (АА) – Најмалку 16 Палестинци се убиени во израелските воздушни напади низ Појасот Газа од раните утрински часови денес, јавува Анадолу.

Медицински извор во јужниот дел на Појасот Газа за Анадолу изјави дека 10-мина Палестинци биле убиени во два израелски воздушни напада во Хан Јунис.

Еден воздушен напад бил извршен врз семејна куќа во Хан Јунис, што резултираше со смрт на четири лица, додека другиот воздушен напад погоди шатор за раселени лица, убивајќи шест, а повредувајќи неколку други.

Според очевидци, израелската Армија, исто така, погодила најмалку пет празни возила во областите низ Хан Јунис.

Уште две Палестинки се убиени во израелски воздушен напад врз стан во бегалскиот камп Нусејрат во централниот дел на Појасот Газа, според медицински извор.

Во градот Газа, во два израелски воздушни напада врз источниот кварт Шеџаија се убиени четворица Палестинци.

Израелската Армија уби повеќе од 700 Палестинци и повреди над 1.000, откако започна ненадејна воздушна кампања врз Газа минатиот вторник, со што беше прекршен договорот за прекин на огнот и размена на заробеници што беше на сила од јануари.

Над 50.000 Палестинци се убиени, главно жени и деца, а над 113.200 се повредени во бруталната израелска воена офанзива врз Газа од октомври 2023 година.

Меѓународниот кривичен суд во ноември минатата година издаде налози за апсење за израелскиот премиер Бенјамин Нетанјаху и неговиот поранешен министер за одбрана, Јоав Галант, за воени злосторства и злосторства против човештвото во Газа.

Израел е обвинет за геноцид пред Меѓународниот суд на правдата за неговите постапки во енклавата.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.

Извор: Anadolu Agency (AA)

MARKETING

MARKETING

Претходно

Во див магацин за храна пронајдени повеќе од 40 илјади килограми небезбедни сувомесни производи!

Следно

Шкупи го повлече бројот 77 во чест на починатиот Андреј Лазаров

Latest from Blog

УЕФА има рекордни приходи

Успешното Европско првенство во Германија, за кое беа продадени 2,7 милиони билети, придонесе УЕФА лани да оствари рекордни приходи од 6,8 милијарди евра, од кои најголемиот дел, 73,1 отсто, се од медиумски

Почина Александар Карадаковски управителот на дискотеката „Пулс“ кој се лекуваше во Литванија

Пожарот кој избувна во дискотеката „Пулс“ во Кочани ја зема и 60-тата жртва. Почина Александар Карадаковски, кој бил управител на МММ Кафе ДООЕЛ само на хартија, a во реалност работел како келнер
Go toTop