ГАЗА (АА) – Најмалку 15 Палестинци се убиени, а десетици се повредени во напад на Израел врз цивили кои чекале на местото за дистрибуција на хуманитарна помош во централниот дел од Појасот Газа, известува Анадолу.
Според очевидците, израелски воени возила и беспилотни летала отвориле директно оган врз гладните и жедни цивили кои се собрале да добијат хуманитарна помош.
Нападот се случил во близина на дистрибутивен центар поставен за доделување хуманитарна помош во Коридорот Нецарим во централна Газа.
И здравствените извори објавија дека најмалку 15 лица се убиени, а голем број се сериозно повредени во нападот од страна на Израел.
Од 27 мај, Израел спроведува таканаречена дистрибуција на помош, надвор од надзорот на Обединетите нации и меѓународните организации за помош, користејќи ја „Фондацијата за хуманитарна помош во Газа“, предводена од САД и Израел.
Сепак, оваа структура не е признаена од ОН и е отфрлена од палестинските групи. Хамас го опишува овој систем како „стапици на смртта“.
Израел ги држи затворени сите копнени гранични премини кон Појасот Газа од 2 март. Додека на стотици камиони со хуманитарна помош се спречени да влезат во палестинската енклава, само ограничен број возила можат да поминат низ граничниот премин Керем Абу Салим, иако на Газа ѝ се потребни најмалку 500 камиони со помош дневно.
Нападите на Израел врз Газа од 7 октомври 2023 година резултираа со голема хуманитарна катастрофа поради интензивно бомбардирање, изгладување, присилно раселување и уништување на инфраструктурата. И покрај повиците за прекин на огнот од меѓународната заедница и Меѓународниот суд на правдата, Израел продолжуваат со нападите со несмален интензитет.
Извор: Anadolu Agency (AA)
