ЊУ ДЕЛХИ (АА) – Најмалку 14 луѓе загинаа, а 56 се повредени во тешка сообраќајна несреќа што се случи синоќа во индиската сојузна држава Мадја Прадеш, известува Анадолу.
Несреќата се случи во дистриктот Сидхи кога камион удрил во 3 автобуси паркирани во лентата за застанување покрај патот.
Шефот на полицијата, Мукеш Шривастава, за локалната новинска агенција Ејжан њуз интернешнал (Asian News International) изјави дека на местото на несреќата загинале 14 лица, а 56 се повредени.
Локалното официјално лице Сакет Малвија за новинарите изјави дека три автобуси запреле на патот за да се одморат патниците, кога возач на камион ја изгубил контролата над возилото поради пукање на гумата, што резултирало со страшна несреќа.
Владата на Индија најави дека семејствата на загинатите ќе добијат отштета во висина од по милион индиски рупии (приближно 12.057 долари).
Извор: www.aa.com.tr
