АНКАРА (АА) – Најмалку 11 Палестинци, меѓу кои неколку жени и деца, се убиени денес во израелските напади врз области во северниот и јужниот дел на Појасот Газа, јавува Анадолу.
Медицински извори за Анадолу изјавија дека 10 Палестинци се убиени, а повеќемина се повредени во израелското гранатирање на куќа во населбата Ал-Туфах, во источниот дел на градот Газа.
Медицински извори известија и дека еден Палестинец го загубил животот, а шестмина се повредени во израелско бомбардирање на шатор во кој биле засолнети раселени Палестинци во областа Ал-Маваси, западно од Кан Јунис, во јужна Газа.
Израел ја продолжува својата брутална офанзива врз Газа, по нападот на Хамас минатиот октомври, и покрај резолуцијата на Советот за безбедност на Обединетите нации (СБОН) со која се бара итен прекин на огнот.
Оттогаш во израелските напади убиени се над 41.000 Палестинци, главно жени и деца, а над 95.000 се повредени, според податоците на локалните здравствени власти.
Израелската офанзива го расели речиси целото население во Газа, и предизвика целосна блокада што доведе до сериозен недостиг на храна, чиста вода и лекови.
Извор: Anadolu Agency (AA)
