Државјанин на Македонија за кој имало распишана европска потерница и баран од германските власти, е уапсен синоќа на граничниот премин „Евзони“, во обид да влезе во Грција, јави грчката новинска агенција АНА-МПА.
34-годишниот маж од земјава е осомниќен дека учествувал во грабеж и убиство на 81-годишник во февруари годинава.
Според документите од германските власти, тој заедно со негови сонародници бил на патување во сојузната покраина Хесен, и престојувале во една од собите кои ги издавал сега веќе убиениот.
Убиството било сторено на 9. февруари кога сторителите ја врзале жртвата, му ја затвориле устата и го ограбиле, а тој починал од задушување.
Полициските власти на Грција го уапсиле, и тој ќе биде изведен пред јавен обвинител во Солун, за да почне постапката за екстрадиција во Германија.
ИЗВОР: ТВ 21
