Во организација на Спортското риболовни друштво „Трофта“ (Пастрмка) на брегот на Дебарско Езеро се одржа натпревар во спортски риболов на тапа. Учествуваа 15 екипи составени од по тројца членови од неколку градови од државава, како и од Косово и од Албанија.
Екипно најдобра беше екипата од Приштина, втора екипата од Скадар, Албанија, додека третото место го освои екипата од Урошевац, Косово.
Поединечно најголемо риболовно мајсторство покажа Газменд Ковачи од Македонија, додека второ и трето место освоија Јетон Мулоли, односно Ремзи Ислами од Косово.
На најдобрите им беа доделени пехари и медали.
-Сакам да изразам големо задоволство што се мина во една убава дружба, рибарски досетки, разговори. Убеден сум дека и овој пат го почувствувавте нашето гостопримство, по што и така е препознатлив нашиот град. На сите ви посакувам добро здравје, успех и убавини во вашите семејства. Се гледаме повторно, посака Бели Халити, претседател на друштвото.
Тој изрази благодарност до сите спонзори кои го поддржале одржувањето на натпреварот.
Извор: vecer.mk
