Долги се редиците пред шалтерите на МВР за вадење лични документи.
Граѓаните велат дека се принудени да земат слободни денови од работа за да чекаат ред за пасоши, додека други велат дека чекаат ред и по неколку дена .
„Чекам скоро час и половина, прв ден сум тука и според редот ќе чекам уште два часа бидејќи по дванаесет луѓе влегуваат“…
„Пред еден месец бев во станицата „Пролеќе“ и чекав осум часа таму, владата вели дека работат 12 шалтери, а внатре работат 3 или 4“, велат граѓаните.
Од МНР не одговорија дали контактирале со грчките власти за продолжување на рокот на важноста на личните документи. Според МВР, до 31 декември 2023 година биле издадени 1.007.885 лични карти, 1.169.463 пасоши и 529.799 возачки дозволи. Рокот за промена на личните документи е 12 февруари, а личните карти ќе важат и по овој датум.
Авни Тахири
Извор: alsat.mk
