ИСТАНБУЛ (АА) – Бројот на убиени Палестинци во нападите на израелските воени авиони врз болницата „Камал Адван“ во Појасот Газа се зголеми на 50, меѓу кои петмина се здравствени работници, известува Анадолу.
Палестинското Министерство за здравство во Газа соопшти дека израелската армија со воздушни напади ги бомбардирала зградите околу болницата „Камал Адван“ во северниот дел на Газа.
Во соопштението се вели дека вкупно 50 лица, од кои 5 здравствени работници, се убиени во тековните бомбардирања на Израел.
Во исто време, се повикува меѓународната заедница да ги заштити цивилите во Газа од израелските напади.
Во претходната изјава, беше објавено дека петмина Палестинци, членови на медицинскиот персонал, се убиени во израелските бомбашки напади врз областа околу болницата Камал Адван.
– Планот на Израел да го уништи северниот дел на Газа
Израелската армија често издава наредби за евакуација од многу области, особено за северниот дел на Појасот Газа, присилно раселувајќи ги Палестинците во регионот. Има коментари според кои Израел се обидува да го спроведе планот опишан како „Планот на генералите“.
Овој план наречен „План на генералите“ предвидува депортирање на Палестинците од северниот дел на Појасот Газа, по што следи опколување на областа и забрана за влез на храна, гориво или чиста вода во тоа подрачје.
Во таков случај, борците на вооружениот отпор се принудени да избираат помеѓу смрт или предавање. Палестинците кои нема да го напуштат подрачјето или не можат да го сторат тоа, се третираат како непријателски елементи.
Од 7 октомври минатата година Израел во брутални бомбардирања и гранатирања на Појасот Газа уби 45.399 Палестинци, од кои приближно 17.492 деца и 11.979 жени, и повреди 107.940.
Сѐ уште има илјадници мртви под урнатините, а цивилната инфраструктура во Газа се уништува со таргетирање на болници и образовни институции во кои се засолнети Палестинците кои ги напуштиле своите домови бегајќи пред израелските бомбардирања.
Извор: Anadolu Agency (AA)
