Министерот за европски прашања, Орхан Муртезани, попладнево објави дека на 18 ноември во Приштина ќе се одржи билатерална средба меѓу владите на Северна Македонија и Косово.
Во интервју за „Лајм“, Муртезани нагласи дека важноста на оваа посета лежи во зајакнувањето на соработката и стабилноста во регионот.
„На 18 ноември, Владата на Република Северна Македонија, предводена од премиерот Христијан Мицкоски, ќе отпатува во Приштина на билатерална средба. Оваа посета е доказ за јасната ориентација на Владата кон регионалната соработка и зајакнувањето на односите со Косово. Се отфрлаат обвинувањата и клеветите од албанската опозиција дека новата влада е наклонета кон Србија. Оваа одлука ги демантира сите тврдења на опозицијата, особено на албанската, кои се обидуваат да прикријат стравот од реалноста на својата опозициона улога, притоа создавајќи илузии дека Северна Македонија е ориентирана кон Србија“, изјави Муртезани, стои во информацијата од политичката партија Алтернатива, дел од коалицијата „Вреди“.
ИЗВОР: ТВ 21
