Актуелниот кошаркарски шампион на Македонија, МЗТ Скопје, и на вториот меч од четвртфиналната серија немаше милост за составот на Феникс, па после победата од 81-58, денес славеше со убедливи 87-55 за водство од 2-0.
По 2-0 во сериите имаат и ТФТ и МКК Куманово, кои по вторпат славеа над Чаир, односно Кожув. Екипата од скопската населба Тафталиџе, тесно, со 72-66 го победи Чаир, додека Куманово беше убедлив и ги победи кавадарчани со 90-72.
Во последниот меч од четвртфиналето, утре, Работнички го пречекува Пелистер, додека веќе во среда на програмата се третите натпревари, кои ќе се играат на теренот на послабопласираните екипи од регуларниот дел.
Извор: kurir.mk
