МВР: Апелираме за фер и спортско навивање, било какви навреди ќе бидат најстрого санкционирани

August 5, 2025
1 min read

Министерството за внатрешни работи апелира до сите граѓани и членови на навивачки групи да ги бодрат своите спортски миленици, но да навиваат спортски, исклучиво во спортски дух, без говор на омраза, без било какви навреди по лична, етничка, верска или било која друга припадност што не соодветствува на спортски натпревари и е спротивно на законот.

Во врска со кошаркарскиот натпревар што се одржа на 02.08.2025 во Спортската сала во Куманово, во СВР Куманово веќе се повикани неколку осомничени лица со кои што е извршен службен разговор, и по извршени анализи во координација со ОЈО Куманово ќе бидат преземени конкретни законски мерки против инволвираните лица, вклучително и кривични постапки. Денеска, полициски службеници од СВР Куманово го лишија од слобода С.М. (30) од Куманово, кој се сомничи дека на полувреме од кошаркарскиот натпревар се обидел да внесе транспарент со навредлива содржина. По целосно расчистување на случајот против него ќе следи соодветен поднесок.       

Во тој контекст, МВР уште еднаш нагласува дека во рамки на обезбедувањето на мирни и непречени спортски натпревари, полицијата ќе биде крајно ригорозна по однос на било какви нарушувања на јавниот ред и мир, односно било какви навредливи скандирања врз база на национална, етничка или верска припадност и тоа ќе биде најстрого санкционирано, без никаква толеранција. Само спортското фер навивање и бодрење може да ни донесе успеси, победи и спортски радости.

ИЗВОР: ТВ 21

MARKETING

MARKETING

Претходно

Беким Сали: Кичево добива болница достојна за 21 век, вредна 47,5 милиони евра

Следно

ФФМ: Поддршка и желби за успех до ФК Шкендија пред пресметката со Карабах

Latest from Blog

Активен пожар на депонијата Вардариште

Центарот за управување со кризи информира за состојбата со пожарите. Како што велат, на територијата на Македонија евидентиран е вкупно 1 пожар на отворен простор во општина Гази Баба. Пожарот е на

ВИДЕО: Илинденски денови 2025: Пет дена по затворањето, емоциите сè уште траат

Иако поминаа пет дена од свеченото затворање и церемонијата на доделување награди, 55. издание на фестивалот „Илинденски денови“ сè уште живее во срцата на публиката, организаторите и учесниците. Фестивалот кој традиционално ја

Убиство во психијатриска болница Бардовци

Осуденик хоспитализиран во Психијатриската болница во Бардовци, со стаклено шише усмрти пациент – исто така осуденик. Доцна во ноќта дошло до тепачка помеѓу двајцата пациенти на Одделот за лекување на осудени лица,

Меџити за апсењето на навивачот одговорен за антиалбанските повици во Куманово: Пораката е јасна, говорот на омраза нема да се толерира

Првиот заменик претседател на Владата на Северна Македонија, Изет Меџити, го поздрави апсењето на еден од навивачите одговорни за фашистичките и антиалбанските повици кои се слушнаа пред неколку дена во Куманово, за
Go toTop