Шефот на македонската дипломатија, Тимчо Муцунски во вечерашното гостување во „Топ тема“ на телевизијата Телма рече дека имало иницијативи за состанок меѓу него, олеснувачи во меѓународните односи и тогашниот колега од бугарска страна, но тие запреле.
Говорејќи за неодамнешната посета на Брисел, министерот рече дека на средбите фокусот бил ставен на реформите, евроинтеграциите и билатералните односи и во тој контекст наведе дека во анализа, која треба наскоро да биде објавена, Македонија е лидер во регионот според реализацијата на мерките од реформската агенда
Во тој контекст, министерот рече дека не станува збор за одбивање од македонска страна да преговара со актуелната техничка влада во Бугарија, туку проблемот е што таа по природа на нештата нема целосен легитимитет. За дел од идеите и иницијативите што ги имало, претходната влада во Софија била консултирана преку претставници на Европската Унија и нејзини земји членки.
Извор: zurnal.mk
