Министерот за надворешни работи и надворешна трговија, Тимчо Муцунски денеска заедно со владина делегација се поклони пред вечните почивалишта на поранешните претседатели на Македонија.
-Во пресрет на одбележувањето на Денот на АРМ, денес, на градските гробишта „Бутел“, во Алејата на великаните, заедно со владина делегација, оддадовме почит со полагање венци од свежо цвеќе пред споменикот на паднатите борци од НОБ, како и пред вечните почивалишта на поранешните претседатели Киро Глигоров и Борис Трајковски, и генералот Михаило Апостолски.
Секој од нив, со храброст, визија и одлучност, остави длабок личен белег и придонес за денес да живееме во слободна и суверена држава. Нека им е вечна славата, пишува на Фејсбук, Муцунски.
ИЗВОР: kurir.mk
