Министерот за надворешни работи и надворешна трговија, Тимчо Муцунски, одржа работна средба со амбасадорот на Европската Унија и амбасадорите на земјите членки на ЕУ, на која биле разгледани актуелните политички и реформски процеси во државата.
На средбата се разговарало за напредокот во исполнувањето на обврските поврзани со отворањето на преговорите со Европската Унија, како и за активностите во рамки на Реформската агенда и поширокиот европски интегративен процес.
Муцунски ја истакнал континуираната усогласеност на државата со Заедничката надворешна и безбедносна политика на Европската Унија, како и поддршката за Украина, оценувајќи ги како јасен показател за стратешката определба за полноправно членство во ЕУ.
На состанокот биле разменети мислења и за потребата од забрзување на евроинтегративниот процес, засилување на регионалната соработка, постепена интеграција и континуирана поддршка од земјите членки на Европската Унија.
