Млад турски пливач успешно ја заврши трката во пливање „20 мостови“ околу Менхетен во Њујорк

СКОПЈЕ (АА) – Турскиот пливач Невзат Арда Агир, на само 16-годишна возраст, успешно ја заврши престижната и екстремно напорна трка „20 мостови“, долга 46 километри, која се одвива околу Менхетен во Њујорк, САД, известува Анадолу.

И покрај силните морски струи, Агир успеа да го доврши маратонот на отворени води, а своето успешно учество на трката ѝ го посвети на фондација која обезбедува поддршка за пациентите заболени од рак.

Со ова постигнување, тој стана најмладиот турски пливач што некогаш ја има завршено оваа реномирана трка.

Натпреварот, претходно познат како „Маратонот околу Менхетен“, го добил името по 20-те мостови под кои пливачите поминуваат додека го обиколуваат целиот остров. Настанот бара исклучителна издржливост, храброст и силна мотивација.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.