Мицотакис среде кампања се зарази со корона – ќе биде активен на Тик-ток

June 2, 2023
1 min read

Прегратките и бакнежите во кампања се многу пријатни, но понекогаш имаат и цена, вели лидерот на Нова демократија

Фото: EPA-EFE/GEORGE VITSARAS

Преку видео објавено на Инстаграм, претседателот на Нова демократија и до неодамна премиер на Грција, Кирјакос Мицотакис соопшти дека е позитивен на ковид-19 и следните денови ќе ги помине дома, а ја откажа и неговата посета на Света гора планирана за викендов, јави дописничката на МИА од Атина.

„Прегратките и бакнежите во предизборниот период секогаш се многу пријатни, но понекогаш имаат и цена. Денеска се тестирав за Ковид и сум позитивен“,

вели Мицотакис во видеото.

Објаснува дека посетата на Света Гора ќе остане за некој момент во иднина, но и оти ќе продолжи да објавува видеа на Тик ток.

Мицотакис се наоѓа среде кампања за парламентарните избори што треба да се одржат на 25 јуни 2023 година.

Ова ќе бидат втори избори за речиси еден месец откако по гласањето на 21 мај ниту една партија не успеа да освои доволно пратенички места за самостојно да формира влада.

Нова демократија на Мицотакис со над 40 отсто освоени гласови освои огромна предност од околу 20 отсто пред Сириза на Алексис Ципрас. Меѓутоа, не беше доволно за да може неговата партија да има мнозинство во 300-члениот парламент. Освои 146 пратенички мандати поради што не сакаше да прави коалиции и побара нови избори.

На 25 јуни Мицотакис би можел да дојде до посакуваното мнозинство и формирање еднопартиска влада, бидејќи овие избори ќе се спроведат според изборниот закон изгласан во 2020 година според кој ќе се примени мешаниот систем со засилена пропорционална застапеност, што значи и враќање на бонус пратеници за првата партија.

Бонусот нема да биде фиксен од 50 пратеници како претходно (пред да се укине), туку бројот ќе биде во зависност од освоените гласови и ќе се движи меѓу 20 и 50 дополнителни пратенички места.

Извор: 360stepeni.mk

VERO JUMBO MACEDONIA

EVN MACEDONIA

MARKETING

Претходно

Вечерва во 360°: Мицкоски прифаќа само тет-а-тет средба со Ковачевски

Следно

Потпис на денот, Леао и официјално останува верен на Милан

Latest from Blog

ВИДЕО: Трамп повторно вели дека го решил конфликтот меѓу Албанија и „Абербајџан“

Американскиот претседател Доналд Трамп се обрати на медиумите по средбата со британскиот премиер Кир Стармер. Тој зборуваше за своите успеси во завршувањето на војните низ целиот свет. Повтори дека го решил конфликтот

Деветмина кандидати за градоначалник на Струга и 10 советнички листи

Деветмина кандидати за градоначалник на Општина Струга и 10 листи за советници ќе учествуваат на локалните избори што ќе се одржат на 19 октомври, потврди Општинската изборна комисија. Во трката за градоначалник

Фото: Трета среќа за Ријана, музичката ѕвезда повторно ќе се оствари како мајка

Оваа информација не би била толку изненадувачка ако пејачката не испрати, навидум, прилично јасна индикација за полот на бебето во својата најнова објава. Имено, Ријана позираше за насловната страница на познатото списание

Во Италија споделувањето на фотомонтажи создадени со ВИ е казниво дело

Италијанскиот Парламент одобри нов рамковен закон за вештачка интелигенција, со кој дистрибуцијата на фотографии или видеа создадени со помош на вештачка интелигенција (ВИ) без согласност на прикажаните лица ќе биде казниво со
Go toTop