„Во среда нема ништо да се случи“, изјави премиерот Христијан Мицкоски на прес-конференција денеска во Владата, запрашан за седницата на Уставниот суд на 11. декември за Законот за јазиците.
Тој рече дека ДУИ намерно прави поделби и етнички тензии.
„Разговараме со ВРЕДИ, ова е постапка која е тековна. Имаме ситуација не може сега никој да интервенира кај Уставниот суд, затоа што принципот како до сега заврши на 8. мај. Единствената тема со која ДУИ се присутни во јавност е да направат поделба по етничка основа, ги третираат само етничките прашања, не можат да наметнат тема ниту да привлечат луѓе кои ќе ги поддржат. Се обидоа со таа нивна зелена агенда, но не успеаја“, изјави Мицкоски и продолжи.
„Постојат две работи. Првата работа е да ги поделат граѓаните, и тоа јасно се виде од коалицијата на ВРЕДИ каде високи претставници од ДУИ се сликани со насилниците со оние кои го палеа државното знаме. И од оние информации кои располага МВР тоа го потврдува. Втората теза е дека и тие знаат добро, затоа што ДУИ 20 години поставуваа Уставни судии, дури знаат дека ништо нема да се случи во среда. И сега ќе излезат во јавноста и ќе кажат еве ние правевме притисоци, затоа ништо не се случи. Во среда нема ништо да се случи, има процедури, подготвителни седници и така натаму, но тие повторно ги злоупотребуваат Албанците, Македонците и ги малтретираат со обид на поделба и со обидот да привлечат внимание. Затоа ги молам сите граѓани, да бидат спокојни. Ова е изолирана група на поранешни високи владини функционери за кои постојат основани сомневања дека постои огромен криминал, кој набрзо ќе почне да се обелоденува. Без разлика колку се жилави и колку се борат, ќе ги поразиме, и едните и другите, и слугите и овие другите. Мора јавноста да ја дознае вистинската вистина, што се крие позади оваа хајка на овие политички профитери“, изјави Мицкоски.
ИЗВОР: kurir.mk
