Премиерот Христијан Мицкоски по одлуката на Антикорупциската комисијата дека неговиот син Јован Мицкоски не престојувал во САД на државен трошок се огласи на својот фејсбук профил со објава во која вели „го обвинија Јован, му судеа и го осудија без притоа да покажат ниту еден доказ“.
-Со одлуката на Антикорупциската комисија се потврдија лагите на СДСМ. Го обвинија Јован, му судеа и го осудија без притоа да покажат ниту еден доказ. Виновен беше само затоа што е мој син. Останува горчината за лагите на СДСМ и нивните мегафони, посебно што нападнаа тинејџер кој ќе живее, учи и се гради како личност во средина во која политичките лешинари не бираат средства и начин во политичката арена, вели Мицкоски во објавата.
ИЗВОР: ТВ 21
