Претседателот на Владата, Христијан Мицкоски во Отворено студио на МРТВ на тема „Буџет 2025“ во делот на инфраструктура посочи дека најголем дел од проектите ги задвижиле во позитивна насока, укажувајќи дека за разлика од претходно, сега се градат автопатите.
-Ако гледаме што се случуваше еве шести месец можам да кажам дека најголем дел од проектите ги задвиживме во позитивна насока, за еден зборувавме од делницата Врбјани до Охрид тие 40тина километри практично ќе очекувам оваа туристичка сезона да се возат а компаниите кои работеа на таа делница не им беа платени фактурите од ноември месец 2023 година. Сега се тековни тие фактури, значи зборам па да не претераме некаде 70-80 милиони долари, објасни Мицкоски.
Потоа, делниците кои се дел од коридорот 8 и 10д, ја споменавте Гостивар-Букојчани и Прилеп-Битола покрај тоа што беа исплатени 15 милијарди денари аванс на терен реално немаше никакви работи, ништо не се случувало. Денеска веќе имаме фронт од 30-40 километри вкупно на двете делници. Ако земете дека сето тоа е 110 километри сите 4 делници зборам Гостивар- Букојчани, Требениште-Ќафасан, Прилеп-Битола и Гостивар-Тетово тоа значи дека ние работиме на отворена траса на 40 километри. Е сега Требениште-Ќафасан немаме отворена делница бидејќи 90 проценти е приватно земјиште и е во периметарот на заштитеното земјиште според УНЕСКО. Што се однесува до Тетово-Гостивар треба да се направи пат кој што кога ќе почнат активностите на овој пат кој што е постојан ќе ги сервисира граѓаните. Можете да замислите што ќе се случува во лето, рече премиерот Мицкоски и додаде дека експресниот пат до Крива Паланка до крајот на годината ќе биде готов.
-Еве експресниот пат од Чатал од Страцин конкретно преку Длабочица до Крива Паланка до крај на година ќе биде готов. Од Градско-Дреновска Клисура-Фариш ќе биде готов, има една карпа која треба да се третира, од прилика до март април следната година ќе биде готов, дециден е претседателот на Владата Мицкоски.
ИЗВОР: kurir.mk
