Ќе биде воведен мораториум за угостителските објекти да ги отстранат неправилностите при вршење на дејноста.
Ова денеска го истакна премиерот Христијан Мицкоски кој кажа дека од досегашните контроли регистрирани се низа неправилности во работата на голем број објекти.
„Ќе продолжат контролите и во наредниот период. Јас можам да кажам дека воочени се огромни неправилности. Кога зборувам за огромни неправилности зборувам за 70-80 отсто од објектите, не зборувам за исклучоци туку за пракса која функционирала, но повеќе нема да функционира. Разработуваме акционен план, за одреден период да се прогласи мораториум и да се остранат сите тие неправилност за оние кои сакаат да продолжат да функционираат со дејноста што ја вршат“, рече Мицкоски.
ИЗВОР: ТВ 21
