Мицкоски: Ја следиме состојбата во Србија, не очекувам такви прелевања кај нас

March 15, 2025
1 min read

Во одговор на новинарско прашање, премиерот Христијан Мицкоски вели „нормално е да ја следиме состојбата во Србија, неодговорно би било да не ја следиме состојбата со нашите соседи и врз основа на тоа сме подготвени за предизвиците, доколку постојат такви имаме разработено сценарија, но, не очекувам прелевање кај нас“.

Прашан за случувањата во Србија и информациите од тамошните медиуми дека „структури од соседни земји на Србија, наводно учествуваат во некакви сценарија“, Мицкоски рече дека нашата политика е јасна, „ние ниту сакаме да ни се мешаат во нашите внатрешни работи, ниту пак ние ќе се мешаме во внатрешните работи на која било друга земја“.

– Нашата домашна задача е наша домашна задача, а домашната задача на другите земји си е нивна домашна задача. Доколку некој побара помош од нас, советодавна, каква било, тука сме во рамките на законите и Уставот на Македонија да овозможиме такво нешто. Доколку не, повторно ние ќе си ја гледаме нашата задача, затоа што ние имаме работи што дома треба да си ги решаваме и ниту имаме амбиција, ниту сакаме да бидеме дел од внатрешните работи на која било, една земја во светот, изјави Мицкоски, одговарајќи на новинарски прашања по поставување камен-темелник на реконструкција на локалниот пат Драчево-Мотел Китка.

Во главниот град на Србија денеска попладне се очекува да почне голем протест предводен од судентите во блокада, што се смета за кулминација на 3,5-месечните демонстрации поради загинувањето на 15 лица при уривање на реконструирана настрешница на ќелезничката станица во Нови Сад.

Студентите бараат политичка и правна одговорност за несреќата во Нови Сад. Протестот во Белград доаѓа по масовните собири организирани од студентите во Нови Сад, Крагуевац и Ниш. Владата и српскиот претседател Александар Вучиќ тврдат дека барањата на студентите се исполнети. Студентите и академската заедница го отфрлаат тоа.

ИЗВОР: ТВ 21

MARKETING

MARKETING

Претходно

Со усвоените законски измени ќе се забранат нелегалните онлјан приредувачи на среќа

Следно

Се превртeл чамец со две лица во Мавровско езеро, во тек е голема спасувачка акција

Latest from Blog

Вицепремиерот Иван Стоиљковиќ: „Напумпамо ве на избори! Да не сакате и неко дуго пумпање?“

Иван Стоиљковиќ, Заменик претседател на Владата на Северна Македонија и министер за односи меѓу заедниците и претседател на Демократската партија на Србите во Македонија, во објава на социјалните мрежи напиша: „Напумпамо ве

Гужва на плажите во турската област во Мугла поради топлото време

МУГЛА (АА) – Локалните и странските туристи поради топлото време ги посетија плажите во туристичките места на турската област Мугла, известува Анадолу. Според информациите што дописникот на АА ги доби од управата
Go toTop