Мицкоски: Градоначалниците на ВМРО-ДПМНЕ успеаја да ги консолидираат општините и да се спремат за издавање општински обврзници за капитални проекти, владата на ДУИ поддржана од СДС ги опструира

February 1, 2023
2 mins read

Општините беа, сега веќе се во добра одлична кондиција бидејќи имаат капацитет да се задолжат, во многу лоша хаотична ситуација со празни сметки, со лошо менаџирање во јавните претпријатија и овие 42 градоначалника од редовите на ВМРО-ДПМНЕ успеаја да го кренат потенцијалот, вели претседателот на ВМРО-ДПМНЕ, Христијан Мицкоски од увидот на градежните работи на улици во Општина Карбинци, запрашан за коментар за општинските обврзници за кои од власта сметаат дека станува збор за ново задолжување на граѓаните.

Мицкоски појасни дека токму поради домаќинското работење на градоначалниците на од редовите на ВМРО-ДПМНЕ, успеаја да ги консолидираат општините и јавните претпријатија кои од нивните претходници од СДСМ ги наследија со блокирани сметки, македонските институции како Министерство за финансии, Комисијата за хартии од вредност и Македонската берза дадоа позитивни мислења за да можат општините да издадат општински обврзници со кои би дошле до дополнителни финансиски средства да за реализираат капитални инвестиции.

„Како резултат на тој потенцијал би ја споменал втората работа, а тоа е дека државните институции, тука пред се мислам на Министерството за финансии, потоа Комисијата за хартии од вредност, Македонската берза дадоа согласност да овие општини, еве тука е да речеме соседната на Карбинци, Штип имајќи го предвид потенцијалот свој, да се задолжи и да издаде за прв пат општинска обврзница. На Балканот тоа прв пат се прави. Прв пат се издаваат општински обврзници да можат луѓето сите да учествуваат, сите граѓани да учествуваат и да речат, јас ќе вложам средства во општинска обврзница за да ми биде изграден мостот, да ни биде реновирано училиштето, да биде изградена ваква една улица со канализација и со тротоар, игралиште спортско, детска градинка и така натаму“, рече Мицкоски.

Како трето образложение, Мицкоски посочува, за жал владата на ДУИ поддржана од СДСМ и Ковачевски одлучија да ги опструираат овие обврзници за кои општините имаат потенцијал за изнаоѓање средства за изградба на градинки, училишта, булевари, улици и така натаму, наспроти власта која се задолжува, на пример, за 100 милиони евра, а на сметка на тоа сака да ги затвори РЕК Битола и Осломеј со што пет илјади луѓе ќе остави на улица.

„Е сега, четврто, да направиме споредба. Општините имаат потенцијал да се задолжат за капитални проекти, за капитални проекти, да повторам градинки, училишта, булевари, улици, спортски игралишта, детски игралишта. А како се задолжува владата? Владата вика ќе земам 100 милиони евра од Европската банка за обнова и развој, но за да ги земам тие 100 милиони евра ќе ги затворам РЕК Битола, ќе го затворам Осломеј и ќе оставам пет илјади луѓе на улица. Тоа се пет илјади семејства директно на улица. Тоа е разликата. ВМРО-ДПМНЕ прави магии за да обезбеди дополнителни пари за да се реализираат капиталните проекти, а СДСМ уништува тоа што го наследил од ВМРО-ДПМНЕ“, истакна Мицкоски.

Мицкоски посочи дека тоа е разликата помеѓу едните и другите и тој е убеден дека на следните парламентарни избори народот ќе даде огромна поддршка за да продолжат да ја развиваат Македонија, а нема да им даде поддршка на овие политички криминалци, измамници кои што треба еднаш засекогаш да заминат на политичките маргини.

ИЗВОР: kurir.mk

VERO JUMBO MACEDONIA

EVN MACEDONIA

MARKETING

ЛОКАЛНИ ИЗБОРИ 2025

Претходно

ЕСМ Дистрибуција на топлина од денеска задолжена за дистрибуција на топлина и во населбата Автокоманда

Следно

Потврдена смртта и на пилотот на грчкиот воен авион

Latest from Blog

Удар за Курти: Ја изгуби Јужна Митровица и во Приштина – нема мнозинство

Албин Курти ги загуби локалните избори во Косово и Метохијa Јужна Митровица и Приштина. Кандидатот на Албин Курти, актуелниот министер Фатон Пеци, загуби во изборната трка бидејќи Аријан Тахири од Демократската партија

Романците во „фото-финиш“ ја победија Австрија, Данска ја „преслуша“ Грција

Данска, Хрватска и Полска без поголеми проблеми дојдоа до планираните победи во вечерашните квалификациски дуели за пласман на светското првенство. За разлика од нив, селекцијата на Романија со гол во последната минута

Николоски: Пецаков ќе има историски најголема победа, реализираше бројни проекти и покрај тоа што три години имаше опструкции

,,Во Охрид ќе имаме историски најголема победа на 19. октомври, Кирил Пецаков реализираше бројни проекти и е првиот градоначалник на општината што има далеку поголема поддршка за разлика од првиот пат кога

ЕДЕН ОД ПРИСИЛНО МОБИЛИЗИРАНИТЕ УКРАИНЦИ за својот случај: Се криев осум месеци во подрум, но…

Според видео објавено од Телеграм каналот „Северен Ветар“, 54-годишниот Виктор Мовчан е по потекло од Виницкиот регион и бил присилно мобилизиран во 2023 година. После тоа, неколку пати бил ранет и одел

ЦИК: Излезноста на денешните локални избори во Косово беше 38,48 отсто

На целата територија на земјата, времето за гласање на локалните избори, кои започнаа во 7:00 часот, заврши во 19:00 часот. Според прелиминарните податоци на Централната изборна комисија (ЦИК) на Косово, по обработката
Go toTop