Митовски: Крива Река е токсична, според ИЈЗ сите параметри се неколку пати над дозволеното

April 3, 2025
1 min read

Водата во Крива Река е сериозно загадена и неупотреблива за било која намена, покажуваат анализите на Институтот за јавно здравје и акредитирана лабораторија, спроведени на барање на риболовното друштво „Мрена“ и Општина Крива Паланка. Градоначалникот на Крива Паланка, Сашко Митовски, побара итна реакција од надлежните институции, потенцирајќи дека резултатите од испитувањата се алармантни.

„Анализите потврдуваат дека водата во Крива Река спаѓа во најлошата, V класа на загаденост, што значи дека е токсична и не може да се користи за никаква намена. Посебно загрижува зголеменото присуство на тешки метали како олово, кадмиум и цинк, кои се над дозволените граници“, изјави Митовски.

Според резултатите, концентрацијата на олово изнесува 36,65 микрограми на литар, што е речиси четири пати над максимално дозволеното. Слично, нивото на кадмиум е повеќе од 20 пати повисоко од дозволеното, а водата содржи и енормни количини на манган и цинк. Дополнително, матноста е 170 NTU – далеку над дозволените 10, а суспендираните материи надминуваат 7.876 микрограми на литар, што е повеќе од 120 пати над дозволеното ниво.

Градоначалникот ја постави под сомнение официјалната позиција на компанијата „Булмак 2016“, која управува со рудникот „Тораница“. „Нејасно е како од компанијата тврдат дека хаваријата во нивниот рудник нема врска со загадувањето, кога анализите јасно покажуваат присуство на токму оние метали што се користат во нивниот процес“, истакна тој.

Општината Крива Паланка веќе поднесе кривична пријава, а Митовски побара од Јавното обвинителство да постапи без одложување.

„Очекуваме институциите да реагираат соодветно и итно, за да се спречи натамошна еколошка катастрофа“, додаде тој.

Во меѓувреме, локалните еколошки организации предупредуваат дека загадувањето има сериозни последици врз биодиверзитетот и водниот екосистем. Според нив, ако не се преземат итни мерки, Крива Река може да стане мртва река.

ИЗВОР: racin.mk

MARKETING

MARKETING

Претходно

Седуммина загинати во несреќа со мигранти во близина на Лезбос

Следно

Делумно помилуван Ѓоко Поповски, обвинет во случаите „300“ и „Тенк“ на поранешното СЈО

Latest from Blog

Гладот, главната причина за смртта на палестинското дете во израелскиот затвор

РАМАЛА (АА) – Откриено е дека гладот е главната причина поради која палестинското дете починало во израелскиот затвор пред околу 2 недели, известува Анадолу. Во заедничкото соопштение на Комитетот за затвореници и

Со мопед удри осумгодишно дете во Бутел: Пронајден возачот и ќе биде кривично гонет!

Во врска со видеото кое беше објавено на социјалните мрежи на кое се гледа мопед како удира дете и го напушта местото на настанот, Министерството за внатрешни работи ја известува јавноста дека

Италија: Вулканот Етна исфрла пепел и лава

РИМ (АА) – Етна, еден од активните вулкани на југот на Италија, исфрла пепел и лава, известува Анадолу. Според информациите до кои дојде дописникот на АА од локални извори, вулканската активност на

Претседателката Сиљановска ги посети повредените од пожарот кои се лекуваат во Софија

Во Софија денеска претседателката Гордана Сиљановска-Давкова ги посети повредените од пожарот во Кочани, кои се лекуваат во болницата „Пирогов“. Во Бугарија вкупно се наоѓаат 14 пациенти, од кои девет се во болницата
Go toTop