Митева: Власта не реагира за намалување на корупцијата, постапка за Коридорот 8 и 10Д нема, токму неказнивоста е темелот на корупцијата

March 22, 2023
2 mins read

„За да разговарате со некого за спречување на корупција, треба тој истиот да не е креатор на корупцијата. Не гледам како опозиција како ВМРО-ДПМНЕ ќе седне да разговара практично со оние кои што ја креираат корупцијата како што е и детектирано во Извештајот дека постои висока ниво на владина корупција“, истакна Марија Митева, портпарол на ВМРО-ДПМНЕ во гостување во емисијата „24 анализа“ на Телевизија 24.

„Прво велиме дека сме се довеле во ситуација да ваквите Извештаи нас ни претставуваат нормалност, но за мене тоа е клучниот проблем. Тоа е клучниот проблем кога овозможуваме државата да дојде до степен да едни вакви Извештаи без разлика кога се донесени ги третираме како нормалност. И се согласувам дека не смееме тоа да продолжиме да го правиме. Меѓутоа без силни институции кои што ќе ја спречат неказнивоста, кои што ќе се борат против тоа, ние не можеме да се бориме против корупцијата. Всушност неказнивоста е темелот на корупцијата. Од друга страна велиме дека треба поширок консензус меѓутоа потребна е иницијатива за да има консензус и да седнеме да разговараме. Власта има т.н. засилено мнозинство во моментов, имаше засилено мнозинство една година претходно, имаше мнозинство пет години претходно, доволно ќе беше да се поднесе еден закон во Собранието со кое што ќе се направеше потекло на имот, ќе се направеше ветинг, ќе се направеше се она што зборуваме изминатиов период. И на крајот од денот сите коруптивни скандали кои што овие шест години зборувавме ние, зборуваат меѓународни истражувачки куќи како што се БИРН итн. во однос на последниот период за Коридорот 8 и 10Д, би требало да има некоја постапка. Треба граѓаните да видат резултат“, нагласи Митева.

Таа посочи дека само преку конкретни мерки и конкретни закони кои што ќе се спроведуваат може да се намали корупцијата во државата.

„Каков е Извештајот и што вели во моментов, и каква е ситуацијата од слаба независност во новинарството состојбата прерасна во отворени закани кон новинарите и лоши медиумски слободи. Цитирам – „Власта не презела мерки за санкционирање на кршењето на правата на новинарите и заштита на нивната безбедност“, дополнувам алармира „за директни злоупотреби од припадници на безбедносни сили, полициски распит на новинари за информативни интервјуа“. Па, ценам дека ова е и те како голема цензура, да еден новинар да биде повикан на информативен разговор од безбедносни сили или на полициски распит“, заклучи портпаролката на ВМРО-ДПМНЕ.

Митева укажа дека Македонија со оваа власт е далеку од демократска слобода на медиумите.

Во текот на гостувањето Митева се осврна и на условите во затворите.

„Бројот на притвореници е зголемен од она што може да се прими во затворите, и тоа дава една дефиниција дека криминалот во државата е навистина на високо ниво што практично е и потврдено. Она што не го споменаа моите соговорници е дека е констатиран тендемски криминал помеѓу луѓето коишто се административно вработени во затворите односно затворскиот персонал, што укажува дека повторно и таму владее криминалот какошто владее на секое поле во државата. Јас она што повторно ќе го кажам е дека ценам дека за да стигнеме до тектонски промени потребно е некој да има иницијатива, одговорност, и да се направат мали чекори кои што ќе не донесат до било какви промени, од причина што Македонија со власта на СДСМ и ДУИ тоне и тоне во криминал и корупција“, заклучи Митева.

ИЗВОР: kurir.mk

VERO JUMBO MACEDONIA

EVN MACEDONIA

MARKETING

Претходно

Вселенскиот патријарх: Руската црква ја сподели одговорноста за злосторствата во Украина

Следно

Почнува Рамазанскиот пост

Latest from Blog

Зеленски: Ракети за западните ПВО системи ќе бидат дел од првата испорака во рамките на механизмот на НАТО за купување оружје од САД

Украинскиот претседател Володимир Зеленски денеска изјави дека ракети за западните системи за воздушна одбрана ќе бидат дел од првичните испораки на американско оружје што ќе го платат земјите од НАТО во рамките

НУУБ „Св. Климент Охридски“ одбележа 80 години со промоција на монографија

Во Националната установа Универзитетска библиотека „Св. Климент Охридски“ во Битола вечерва се одржа промоција на монографијата посветена на работата и развојот на библиотеката во периодот од 1945 до 2025 година, во рамките

Судиска комисија до Бешири: „ВАР нема двојни стандарди. Алиби изјавите се најголемото зло во фудбалот”

Судиската комисија при Фудбалската федерација на Македонија реагира на изјавата на Јетон Беќири по натпреварот Струга Трим Лум – Шкендија, во која тренерот на тетовскиот клуб обвини за двојни стандарди во користењето

Бијонсе го прослави 44. роденден во проѕирен фустан, фановите воодушевени (ФОТО)

Откако ја заврши својата историска турнеја „Каубој Картер“ во јули, за време на која ја видовме во безброј комбинации со кожни панталони, крзна и каубојски шапки, пејачката се врати на гламурот на
Go toTop