БРИСЕЛ (АА) – Претседателот на Европскиот совет, Шарл Мишел, објави порака по повод 28-годишнината од геноцидот во Сребреница, пренесува Анадолу.
„Денес се сеќаваме на трагедијата на геноцидот во Сребреница. Нашите срца се со семејствата и нивните најблиски што претрпеа неизмерна загуба. Никогаш нема да заборавиме. Борба против омраза, негирање и реторика за поделби – ова е најдобар начин да се изгради подобра иднина за Босна и Херцеговина и Западен Балкан“, напиша Мишел на Твитер.
Денес на гробиштата на Меморијалниот центар во Поточари ќе бидат погребани посмртните останки на 30 жртви на геноцидот извршен во јули 1995 година врз жителите на „заштитената зона на ОН“ во Сребреница.
Извор: www.aa.com.tr
