ВИЛНУС (АА) – Претседателот на Европскиот совет, Шарлс Мишел, истакна дека Европската Унија (ЕУ) е подготвена да обезбеди безбедносни гаранции за Украина, јавува Анадолу.
Мишел даде изјава за медиумите пред почетокот на вториот ден од Самитот на лидерите на НАТО во главниот град на Литванија, Вилнус.
„Ние, исто така, ја поддржуваме формулата ‘праведен мир’ предложена од (украинскиот претседател) Владимир Зеленски, врз основа на Повелбата на Обединетите нации, заснована врз правда. Нема место за неказнивост.“
Во врска со односите со НАТО, Мишел рече: „Ние како ЕУ, имаме одлична соработка со НАТО и работиме многу со цел ЕУ сѐ повеќе и повеќе да станува обезбедувач на безбедноста, во целосна координација со НАТО.“
Извор: www.aa.com.tr
