Денеска, во Министерството за одбрана, остваривме проштална средба со амбасадорката на Соединетите Американски Држави, Анџела Агелер, по повод завршувањето на нејзиниот мандат во Македонија, објави на Фејсбук министерот за одбрана, Владо Мисајловски.
Во мое лично име и во името на Министерството за одбрана, упатив искрена благодарност за нејзината посветена, принципиелна и одговорна работа, како и за значајниот придонес во унапредувањето на билатералната соработка и одбранбеното партнерство. Мандатот на амбасадорката Агелер се одвиваше со континуирана поддршка, лидерство и личен ангажман кои имаа клучна улога во унапредувањето на стратешкото партнерство со Соединетите Американски Држави, модернизацијата на Армијата и спроведувањето на приоритетните одбранбени реформи. Во текот на соработката, амбасадорката Агелер беше препознаена како значаен партнер и искрен пријател на Македонија. Со најдобри желби за успех и лично исполнување во идните професионални ангажмани, изразив уверување дека пријателството и партнерството меѓу двете држави ќе продолжи да се продлабочува, истакна Мисајловски.
Извор: kurir.mk
