На 10 септември во хотел „ДаблТри Хилтон“ во Скопје ќе се одржи првиот Регионален спортски саем, во организација на Министерството за спорт. Настанот ќе обедини министри за спорт од Македонија, Србија и Црна Гора – Ристовски, Гајиќ и Шчекиќ, како и фудбалските легенди Горан Пандев и Предраг Мијатовиќ.
Преку девет панел-дискусии, работилници и сесии за вмрежување ќе се дискутира за развојот на спортот, инфраструктурата, спортската дипломатија, медицината и промоцијата на здравиот живот. Саемот има за цел да иницира конкретни проекти и регионални партнерства.
Настанот ќе заврши со претставување на Националната стратегија за развој на спортот 2025-2028, која ќе ја дефинира идната насока на македонскиот спорт.
