Почитувани,
СДСМ е единствената партија која паушално обвинува за наместен тендер кој воопшто не се реализирал затоа што договор нема. Очигледно е дека директно застапуваат некоја од страните заинтересирани за тендерот.
Министерството за транспорт ја водеше постапката за набавка на 150 електрични автобуси и електрични полначи во целосно транспарентен процес и целосно согласно Законот за јавни набавки.
Согласно процедурата, до Министерството за транспорт пристигнаа 4 понуди кои беа предмет на евалуација.
Иако тендерот пропадна, во интерес на јавноста би сакале да ги објавиме понудите и причините за отфрлање на секоја од нив.
Пристигнаа четири понуди од понудувачите:
Кинеската компанија Актрус со автобуси Кинг Лонг во вредност од 50 700 000 € без ДДВ, унгарско-австрискиот конзорциум Електробус Икарус- ЕВН во вредност од 50 600 000 € без ДДВ, кинеската компанија Жонг Тонг во вредност од 50 600 000 € без ДДВ и турската компанија БМЦ во вредност од 59 200 000 € без ДДВ.
Поединечните цени по автобус без полнач се: Електробус/Икарус: 314 000 €, Актрус/ Кинг Лонг: 324 000 €, Жонг Тонг: 327 000 € и БМЦ: 385 000 €.
Од ова се забележува дека сите цени се приближно исти, односно нема разлика од 12 милиони евра.
Затоа бараме јавно извинување од СДСМ, во спротивно ќе поднесеме тужба за клевета.
Сакаме да информираме дека трите компании не ги исполнија условите за избор. Компанијата Актрус/ Кинг Лонг не достави валидна банкарска гаранција, со што понудата беше невалидна, Жонг Тонг исто така имаше невалидна банкарска гаранција, додека компанијата БМЦ воопшто не достави банкарска гаранција и не ги исполни техничките услови. Додека за Електробус Икарус ЕВН второстепената комисија за жалби по јавни набавки утврди дека одговорот за соработка помеѓу Икарус и ЕВН хартиено е потпишан, но не и електронски и затоа го поништи тендерот.
Се наметнува и прашањето зошто во денешната прес-конференција СДСМ излегува во одбрана на кинеска компанија?
Имено, дописот кој го покажуваат е од кинеската Актрус/Кинг Лонг, чијашто понуда е невалидна, но и како таква не е за 12 милиони евра поевтина.
Дали СДСМ одработува за странски интереси и зошто?
Или мотивот е локален и се крие зад локални пробисвети и криминалци?
Тоа се прашања за СДСМ.
Соопштение од Министерство за транспорт
