ГАЗА (АА) – Најмалку 133 лица загинаа во интензивираните напади на израелската војска врз Појасот Газа во текот на изминатите 24 часа, соопшти денес Министерството за здравство во Газа, јавува Анадолу.
Во соопштението на Министерството се вели дека „259 лица се повредени во израелските бомбардирања во изминатите 24 часа“.
„Телата на 71 загинат и 160 повредени лица се донесени во болницата Ал Акса во Деир ал-Балах, во централниот дел на Појасот Газа во изминатите 24 часа“, се наведува од Министерството и се додава дека:
„62 загинати и 99 ранети се донесени во медицинскиот комплекс Насер во јужниот дел на Појасот Газа, како резултат на континуираните израелски напади.“
Израел ја продолжи својата воена офанзива во Појасот Газа на 1 декември, откако заврши еднонеделната хуманитарна пауза со палестинската група на отпорот Хамас.
Најмалку 17.487 Палестинци загинаа, а над 46.480 се ранети во немилосрдните воздушни и копнени напади врз енклавата кои траат од 7 октомври, по прекуграничниот напад на Хамас.
Според официјалните податоци, бројот на загинати во Израел, во нападот на Хамас, изнесува 1.200.
