Црвена звезда конечно ја запиша првата победа оваа сезона во европските натпреварувања — минимални 1:0 против Лил. Но, и покрај убавиот повод, прес-конференцијата на Владо Милојевиќ мина во тензична атмосфера, тој ја најави својата оставка.
„Секогаш се зборува за мојот статус. Повеќето мислат дека треба да си заминам. Ќе си одам, немам проблем со тоа. Народот мисли дека повеќе не можам да ѝ дадам на Звезда. Немој да се правиме наивни — сите го пишувавте тоа. Ме навредувате, ја навредувате мојата фамилија. А човек кој никогаш ништо не побарал. Па беше прашање дали сум селектор, дали сум ова или она… Ако си одам денес или утре — на оваа Звезда ѝ дадов нешто. Кој ќе дојде, нека и даде повеќе. Сите ме сменивте, ако не се лажам. Бидете искрени. Не би повеќе за тоа. Искусен сум, немам никаков проблем. Реков, декември доаѓа брзо“, изјави Милојевиќ.
Потоа, видливо вознемирен, продолжи:
„Каде сте виделе дека немам амбиција? Секогаш кога ќе кажам нешто, сум арогантен. Ако направам нешто, сум нервозен. За мене Црвена звезда значи сè. Јас ѝ служам на Звезда, додека сум потребен. Денес добив толку пораки поддршка… Хоќете да кажам дека давам оставка? Еве, давам ја. Оставката е на маса. Нема потреба да влегуваме во детали. Ви благодарам, живи били.“
Пред да ескалира ситуацијата, Милојевиќ накратко се осврна и на самиот меч:
„Стојам цврсто со двете нозе на земја. Кога победувавме и влегувме во Лигата на шампионите, не се радував премногу. Ниту сега чувствувам товар. Ова се мои деца, мој клуб. Секоја победа е добра. Имавме серија која е нормална насекаде во светот, само кај нас се дига прашина. Денес одигравме добар натпревар.“
Извор: vecer.mk
