Метеоролозите најавуваат нестабилно време во Хрватска, издаден портокалов метеоаларм

За утре во Хрватска е најавено променливо и нестабилно време со повремени врнежи од дожд и грмежи, почести и поизразени во попладневните и вечерните часови. Локално се очекуваат грмежи и засилен ветер. Портокалово предупредување е издадено за поголемиот дел од земјата, со можна појава на невреме во сабота навечер

По разорното невреме кое пред два дена го зафати регионот и однесе вкупно шест животи, на целата територија на Хрватска е издадено предупредување за ново потенцијално невреме.

Метеоролозите најавуваат нестабилно време, а поради можната појава на грмежи на речиси целата територија на држвата е издаден портокалов аларм, објави Хрватската радио-телевизија (ХРТ).

„Денеска ќе биде нестабилно во поголем дел од земјата. Врнежи со грмотевици се очекуваат уште претпладне, а најголема веројатност за локална појава на грмежи е попладне и навечер“,

објави Државниот хидрометеоролошки завод во Хрватска (ДХМЗ).

Petak će u većem dijelu zemlje biti nestabilan. Pljuskovi s grmljavinom već ujutro i prijepodne, a najveća vjerojatnost za lokalno grmljavinsko nevrijeme je popodne i navečer. Pratite radarske slike i pojave munja na https://t.co/7tElXxnRUV#prognoza #DHMZ pic.twitter.com/F7pjcL6mfi

— DHMZ (@DHMZ_HR) July 21, 2023

Управата за цивилна заштита во Хрватска утринава нешто пред 9:30 часот издала предупредување за невреме со грмотевици во Загреб. Почнало да врне и да грми околу 9:15 часот, но кратко по 10 часот времето се смирило. 

• Ново невреме му се заканува на регионот

За утре во Хрватска е најавено променливо и нестабилно време со повремени врнежи од дожд и грмежи, почести и поизразени во попладневните и вечерните часови. Локално се очекуваат грмежи и засилен ветер. Портокалово предупредување е издадено за поголемиот дел од земјата, со можна појава на невреме во сабота навечер.

Портокаловото предупредување поради невремето утре е на сила за регионот на Загреб и Осиек бидејќи можноста за невреме со грмотевици во тие два региона е над 70 отсто, со можна појава на невреме во сабота навечер.

За останатиот дел од Хрватска е издадено жолто предупредување, а за дубровничкиот регион на сила е црвено предупредување поради топлотниот бран. 

Словенија, Хрватска, Србија и БиХ пред два дена беа зафатени од разорно невреме проследено со дожд, силен ветер и грмотевици. Во невремето загинаа шест лица. Од нив, четворица во Хрватска и по еден во Словенија и во БиХ.

• Незапаметено невреме во Хрватска

Освен човечки животи, невремето предизвика и материјални штети кои во моментов се санираат.