Месото и млечните производи поскапеа за 30, а со „новогодишната кошничка“ попустот е само 10 отсто

Пратеничката на СДСМ, Јована Тренчевска, во емисијата „24 Анализа“ на телевизија 24 изјави дека кошничките на владата не даваат резултати и претставуваат манипулација со граѓаните. Според неа, цените на основните продукти веќе се покачени, а инфлацијата за ноември достигна 4,3%. Тренчевска истакна дека покачувањето на цените на зејтинот, млечните производи, месото и јајцата за 30% не е исправено со намалувањето од 10%, бидејќи нивото на цените останува повисоко отколку пред да се случат поскапувањата.

„Со оваа политика власта покажува грижа само за трговците, а не за граѓаните. Ако навистина се грижите за народот, треба да го прифатите законот за зголемување на минималната плата од 27.000 денари, а во март да зборуваме за 30.000 денари“, нагласи Тренчевска.