Луис Мигел Карион доби отказ од позицијата тренер на шпански Овиедо.
Шпанскиот тренер веќе го водеше клубот во сезоната 2023/24, но се врати на кормилото пред неполни два месеци, потпишувајќи договор до крајот на сезоната.
„Сините“ победија само на два натпревари оваа сезона и поминаа два и пол месеци без победа во сите натпреварувања. Денес, Овиедо загуби со 4-0 од Севиља во 16-тото коло од Ла Лига, што беше и причина Карион од вечерва да си бара нова работа.
„Реал Овиедо им се заблагодарува на Луис Карион и на неговиот тим за нивната посветеност, професионализам и напорна работа во клубот и им посакува се најдобро во нивните идни кариери“, се вели во соопштението на Овиедо.
Извор: vecer.mk
