Меѓународна потерница по Арбен Ахметај, доскорешен вицепремиер во владата на Еди Рама

July 24, 2023
1 min read

Ахметај служеше и како министер за финансии и министер за реконструкција по катастрофалните земјотреси кои ја погодија Албанија во 2019 година. Последната функција му беше пратеник од Социјалистичката партија на премиерот Еди Рама

Се гони поради сомнежи за корупција, перење пари и прикривање на имот, а во врска со доделени концесии за третман на отпад. Албанскиот парламент одобри негово апсење, но тој веќе ја напуштил земјата

Албанските власти издадоа меѓународна потерница по поранешниот вицепремиер и министер во неколку влади во соседна Албанија, Арбен Ахметај. Чекорот следи откако на Ахметај му беше одреден притвор, но полицијата не успеа да го најде на територија на земјата. Каде е точно не се знае, туку само се шпекулира.

Арбен Ахметај во парламентот на Албанија

Последната функција на Ахметај беше пратеник од редовите на Социјалистичката партија на Еди Рама. Тој лично важеше за близок соработник на албанскиот премиер. На 14 јули Комисијата за мандатни прашања во албанскиот парламент се согласи да му го симне имунитетот за Ахметај (според некои извори и да му го одземе пратеничкиот мандат), со што се создадоа услови тамошното Специјално обвинителство да продолжи со прогонот против политичарот. Првичниот налог за апсење беше издаден веднаш откако парламентот даде зелено светло.

Ахметај е соочен со обвинувања за корупција, непријавување на имот и перење на пари. Истрагата ја води Специјалната Антикорупциска Структура (СПАК). Според СПАК, Ахметај „соработувал“ со двајца бизнисмени, Клодиан Зото и Мирел Мертири, кои успеале да добијат концесии за третман на отпад во Елбасан, Фиер и Тирана. Ахметај влијаел на постапките за концесија, за што обвинителството се сомнева дека добил и награда.

Според одбраната на Ахметај, пак, на обвинителите им недостасувала документација и образложение за побараните налози за претрес и мерки за безбедност. Тие ја ставаат под знак прашање неопходноста на таквите мерки.

Ахметај избегал пред апсењето

Неофицијалните информации говорат дека Ахметај ја напуштил Албанија преку Грција. Неговите адвокати потврдуваат дека имаат комуникација со него. Според дел од албанските медиуми тие одбивале да ја откријат неговата локација, додека други медиуми пренесуваат став на одбраната дека Ахметај е кај ќерка си, во Лондон, Англија. Други информации, пак, говорат дека тој можеби е во Канада, според сигналот од неговиот мобилен телефон. Каде и да е, извесно е дека нема намера да се врати во земјата и да се брани лично пред суд.

Поранешниот вицепремиер досега отфрлаше каква било поврзаност со бизнисмените Зото и Мертири, главните добитници на концесиите. Спротивно на ова тврдење, истрагата утврдила барем шест случаи на корупција, вклучувајќи купување на имоти во вредност од 440 000 евра. Зото и Мертири потрошиле и над 30 000 евра на скапи патувања и хотелско сместување за Ахметај и негови блиски соработници. Пронајдени се електронските писма кои ги разменувале со луксузни хотели низ Европа, а кои кореспондираат со патувањата во странство на вицепремиерот.

Ахметај е проминентен албански политичар кој со години служеше на позиции близу до премиерот Еди Рама. Беше министер за економски развој, министер за финансии, министер за реконструкција по земјотресите во 2019 година, а беше вицепремиер во периодот 2021-2022 година.

Извор: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Aко замине во Саудиска Арабија Мбапе ќе заработува по 1,9 милиони евра ДНЕВНО!

Следно

ПСЖ ја прифати рекордната понуда на Ал Хилал, на ред е Мбапе

Latest from Blog

„Булмак 2016“ со четиригодишен проект за развој на детскиот спорт во Пробиштип

Спортот има клучна улога во правилниот психофизички развој на секое дете. Преку иницијативата Кошарка за секое дете во Пробиштип веќе се создаваат нови можности за најмладите да спортуваат бесплатно и да градат

Тоневски: Четвртоодделенците од „Никола Карев“ поставуваа прашања за работата на Општина Пробиштип

Ученици од четврто одделение при ООУ „Никола Карев“ ја посетија Општина Пробиштип и одблизу се запознаа со работата на градоначалникот, општинската администрација и надлежностите на локалната самоуправа. Во разговорот со градоначалникот Тони

МЕПСО инвестира во иднината на енергетиката: Се подготвува зајакнување на мрежата во југоисточниот регион

АД МЕПСО продолжува со реализацијата на стратешките активности за модернизација на електроенергетската инфраструктура во Македонија. Денеска генералниот директор на компанијата, доц. д-р Бурим Љатифи, потпиша договор со Никола Битрак, извршен директор на

Проданоски: Обезбедивме 10 телевизори за собите во Домот „Киро Крстески – Платник“

За собите во Домот за стари лица „Киро Крстески – Платник“ во Прилеп се обезбедени 10 нови телевизори во соработка со Тутунскиот комбинат АД Прилеп, соопшти градоначалникот Дејан Проданоски по посетата на

Коњановски: Битола и Турција ќе ја продлабочуваат соработката во економијата, културата и туризмот

Градоначалникот на Битола, Тони Коњановски, денеска се сретна со новиот турски амбасадор во Македонија, Алпер Акташ. Во фокусот на разговорот беа можностите за продлабочување на соработката во економијата, културата и туризмот. Коњановски
Go toTop