ИСТАНБУЛ (АА) – Поранешниот руски претседател Дмитриј Медведев денес изјави дека Москва мора да избере нестандардни цели за своите напади врз Украина, јавува Анадолу.
„Мора да избереме нестандардни цели за нашите напади. Не само магацини, енергетски центри и нафтени бази. Има и други места каде што сè уште не очекуваат. И каде што ефектот ќе биде многу значаен“, објави Медведев на Телеграм.
Тој тврди дека Украина избрала „мирни, цивилни цели“ за своите напади врз Русија бидејќи не успеала „да постигне успех за време на контраофанзивата“ што започна минатиот месец.
„Тоа значи дека се потребни информативни победи… Затоа, прифатливи се и напади врз цивилни цели“, рече Медведев, кој е познат по своите шокантни и провокативни изјави.
Москва ја започна својата специјална воена операција во Украина во февруари минатата година.
Извор: www.aa.com.tr
