ИСТАНБУЛ (АА) – Поранешниот руски претседател Дмитриј Медведев утрово изјави дека сценариото за нуклеарна апокалипса е „сосема веројатно“, пренесува Анадолу.
„Ќе забележам една работа што политичарите од сите слоеви не сакаат да ја признаат: нуклеарна апокалипса не само што е можна, туку е и сосема веројатна“, рече Медведев во изјава на Телеграм.
Медведев тврди дека постојат најмалку две причини за такво сценарио, наведувајќи ја тековната конфронтација меѓу Русија и Западот како прва причина.
„Светот е во многу полоша конфронтација отколку за време на кризата на Карибите, бидејќи нашите противници решија навистина да ја поразат најголемата нуклеарна сила – Русија“, рече понатаму Медведев.
„Втората причина“, рече тој, „е немањето табу во врска со употребата на нуклеарно оружје“, кое, како што истакна, веќе било користено претходно.
Извор: www.aa.com.tr
