Градоначалникот на Општина Чаир, Изет Меџити, информираше дека започнати се градежните активности на улицата „Аврам Писевски“ во општина Гази Баба, кои се одвиваат со засилен интензитет.
Со проектот се врши поврзување на оваа зона со водоводната мрежа, при што директна корист ќе имаат над 40 домаќинства. Како што посочи Меџити, со оваа инвестиција се обезбедува сигурно снабдување со вода и значително подобрување на условите за живот на жителите.
„Ова е промена што се чувствува во секој дом“, истакна тој.
Од Општината најавуваат дека по завршувањето на оваа фаза, ќе следува целосно асфалтирање на улицата, со што ќе се обезбеди модерна инфраструктура и полесно движење за граѓаните.
Меџити потенцира дека ваквите проекти се дел од континуираните напори за подобрување на секојдневието на граѓаните преку конкретни и видливи инвестиции.
